Nongpoh, Nohprah 15: Hadien ka jingieh noh kam ka Kong Macdalyne S Mawlong kum ka President, ka NPP Nongpoh Block hynne ka sngi Thohdieng, kala jied ia u Bah Henry T Nongrum kum u President ba thymmai ka Block.
Ka NPP Nongpoh Block kala pynlong ia ka jingjied nongkitkam thymmai hynne ha Dorbar Hall jong ka Iewmawlong bad kala pynkhamti ha u Bah Henry T Nongrum kum u President bad Bah Rayonald Kharkamni kumu Working President.
Ka Block kala jied ia u bah Stoiñly Syngkli bad u bah Konin Ingti kum ki vice President, bah Bishar tmung bad u bah Elphos Shadap bad u bah Perly Ronghang kum ki General Secretary, bah Bronis Makri, bah Anthony Suchiang, bah Diren Kleiñ, bah Pyndaplang Wahlang bad u bah Luckystar Thankhiew kum ki Secretaries.
U bah Henry T Nongrum haba kren sha ki lad pathai khubor u la ïathuh ba hadien ka jingieh noh ka Kong Macdalyne Mawlong kum ka President jong ka NPP Nongpoh Block, ka Block ka la jied ïa u kum u acting President khang ba kin lah ban lum ban lang ïa baroh ki nongkitkam ha kaban thaw thymmai ïaka Body.
U la ïathuh ba mynta ka sngi, ka NPP Nongpoh block ka la ïoh ban jied īaki nongkitkam kiba pura bad ïa kine baroh yn sa pynskhem haka 20 tarik nohprah ha Umsning.
Kane ka jingpynthymmai ia ki nongkitkam kala wan ruh ha ka por ba ka party kala donkam ban pynkhlain ialade namar ka jingwan jong ka elekshon MP-Lok Sabha bad MDC ha u snem ban wan.
