Shillong, Sept 25: Ka Megha Health Insurance Scheme (MHIS), ka Nodal Agency kaba pyntreikam iaka skhim Ayushman Bharat Pradhan Mantri Jan Arogya Yojana (ABPM-JAY) ha Meghalaya, kala ioh pdiang ia ar tylli ki khusnam kum ka jingithuh halor ka jingtreikam bha ha ka jingialang jongka ‘Arogya Manthan 2023’.
Ha kane ka jingialang kaba ar sngi la pynlong da ka National Health Authority jongka sorkar India, ha New Delhi ha ka 25-26 tarik u Nailur.
Ka ‘Arogya Manthan 2023’ kadei ka jingialang kaba kyrpang ban rakhe ia ka jingdap 5 snem jong ka jingiaid lynti ka AB PM-JAY prokram, kaba la iaid shakhmat bha ha kaban pynbiang ia ka jingai jingsumar sukher ia ki million ngut ki nongioh jingmyntoi naduh ba la sdang ia ka ha ka 23 tarik u Nailur 2018.
Ka State Nodal Agency Meghalaya kala ioh ia ka khusnam Best Performing State na ka bynta ki jylla kiba rit kaba kynthup ia ka :-
1.Ayushman Utkrishtata Award 2023 for Highest Number of Treatments (Risaw 2022 haduh Nailur 2023) bad
2.Ayushman Utkrishtata Award 2023 for Gender Equity in Service Delivery (Risaw 2022 haduh Nailur 2023).
