Nongpoh, Risaw 27 : Ka Mawhati Constituency kala ioh sa artylli ki Polling Station ba thymmai hakajingleh Special Summary Revision jongka Photo Electoral Roll ka Jylla.
Ia kane la pynbna da ka Ophis u Deputy Commissioner ka Ri-Bhoi ha ka jingialang bad ki seng sain pyrthei hynne ka sngi Thohdieng, kaba iakren halor ka ka Special Summary Revision jong ka Photo Electoral Roll bad ka jingaiti ïaka Draft Electoral Roll.
Ïa Kane ka Jingïalang la ïalam da ka Kong B Ranee ADC Ribhoi District haka jingïawan ban ïadonlang da ki President/Secretary jong ki Seng Saiñ Pyrthei bapher bapher jong ka Ribhoi District.
Ha kane ka jingïalang la ïakren halor ki katto katne tylli ki mat kiba kongsan kata ka long halor ka jingpynmih sa artylli ki Polling Station hapoh ka Mawhati Constituency. Kine ki kynthup ia ka Umkhang Polling Station bad ka Mawlaho Polling station.
La pynsngew ruh halor ki jingdon jong ki Polling station hapoh jong ki 5 tylli ki constituency, kata ka Mawhati (ST)AC ka don 67 tylli ki PS., ka Nongpoh (ST)AC. Ka don 68 tylli ki PS, ka Jirang (ST) AC ka don 77 tylli ki PS, ka Umsning (ST) AC ka don 66 tylli ki PS. Bad ka Umroi (ST) AC ka don 55 tylli ki PS. Kyllum lang baroh kin don haduh 333 tylli ki PS hapoh 5 tylli ki constituency jong ka Ribhoi.
Ha kane ka jingïalang la ïoh ruh ban pynsngew ïaki tarik naka bynta ka Revision Program.
Ka Special Campaign kan long haka 11 bad 18 tarik jong u bnai Naiwieng 2023, ka Filling of Claims & Objections kan long haka 27 tarik jong u bnai Risaw haduh 9 tarik jong u bnai Nohprah. Ka Disposal of Claims & Objections kan dei haka 10 tarik Nohprah haduh 26 tarik Nohprah. Bad naka bynta ka jingpynbna kaba tikna ïaka E/Roll kan dei haka 5 tarik jong u bnai Kyllalyngkot 2024.
