Shillong, Jylliew 29 : Ka Meghalaya New and Renewable Energy Development Agency (MNREDA) kala ioh pdiang ia ka SKOCH Gold Award 2026 ha ka Power & Energy category na ka bynta ka Chief Minister’ Solar Mission ka Sorkar Jylla.
Ia kane ka khusnam la aiti ha ka 108th SKOCH Summit- Public Policy Forum on “Regulatory Framework for Viksit Bharat” bala pynlong ha PHD Chamber of Commerce and Industry, New Delhi, myn ha ka 20 tarik Jylliew.
I Kong Elizabeth Kharjana, Assistant Director, MNREDA, bad kong Audrey H Mukhim, Accountant, MNREDA, kila pdiang ia kane ka khusnam na ka bynta ka Directorate.
Ka Chief Minister’s Solar Mission ka thmu ban weng ia ka jingduh bording bad ban pynkhlain ia ka jingioh ia ka bording ba lah ban shaniah lyngba ki technology kiba khuid bad ba iai neh.
Ka skhim ka ai ia ki solar hybrid inverter system bad ki solar water heater sha ki longiing, ki Institution bad ki jaka treikam. La kyrshan lyngba ka subsidy na ka Jylla, ka synniang ki nongioh bynta bad ka jingbei tyngka ki Bank.
Hapoh ka Mission, palat 1.2 MW ka bording lah ban bynrap, bad ka thong ba palat 10MW yn dang ban kynjoh.
 kala ioh pdiang ia ka SKOCH Gold Award 2026 ha ka Power & Energy category na ka bynta ka Chief Minister’ Solar Mission ka Sorkar Jylla.){kind=link}