Shillong, Lber 07: Ka President ka Ri India Droupadi Murmu kala pynkup burom daka Sangeet Natak Akademi Awards (Akademi Puraskar) 2022- 2023 shaki 91 ngut ki nongak dram ba pawnam kynthup (2 tylli Joint Award) haka liang ka Performing Arts.
Ïa kane ka jingpynkupburom la pynlong hapoh ka Vigyan Bhawan, New Delhi ha kaba ka kong Helen Giri na Meghalaya kala ioh iaka khusnam Sangeet Natak Akademi Award naka bynta u snem 2023 halor ka jinglah jong ka ban kyntiew bad ban pynpaw nam iaki rukom tem bad rukom put tynrai ka Meghalaya.
Ka Kong Helen Giri, kaba la kha ha ka 7 tarik Lber 1944, ka dei kaba la paw bha haka put ka tem tynrai napoh Meghalaya bad kala shim bynta ban kyntiew bad ban pynneh pynsah iaka shad tynrai.
Ka Kong Helen ka dei ruh kaba ju don bynta ban rwai jingrwai tynrai Khasi hapoh ka All India Radio bad ka don bynta ruh ban pyninam bad ban pynsaphriang iaka put ka tem tynrai ha ki rynsan National level.
Kala shim bynta ruh ban pyni iaka sap haki State, National bad International Level ïa kaba kala ioh ka jingithuh bad jingiaroh na ki bun balang.
Ka Kong Helen Giri ka ju pynlong ruh ruh ki jait Prokram bad Tamasa ban kyntiew iaka put ka tem bad ka shad tynrai jong ka Meghalaya.
Kala shim ruh ka sienjam ban ithuh iaki Master Craftsmen ban shna iaki tiar put tiar tem tynrai kum shi bynta ban pynneh pynsah ia ki, ka ba long ruh kawei ka lad ban kamai iaki nongshna tiar put bad tem tynrai.
Ka Kong Helen Giri kala ioh ruh iaka khusnam Padma Shri ha u snem 2008 ban ai jingithuh iaka halor ka jinglah jong ka ban kyntiew iaka tnat Arts and Culture jong ka Meghalaya.
Nalor ka Sangeet Natak Akademi Awards, ka President kala pynkupburom ruh daka Sangeet NatakAkademi Fellowship (Akademi Ratna) sha kiwei ki nongtem kiba la kyntiew iaka put ka tem haka liang Performing Arts.
Iaka Sangeet Natak Akademi Fellowship (AkademiRatna) la ai sha ki nongput nongtem haka liang Performing Arts ba kynthup Vinayak Khedekar ka Goa Indian Music, R. Visweswaran Karnataka Indian Music, Sunayana Hazarilal Maharashtra, Indiana Dance, Raja & Radha Reddy Delhi Indian Dance (Joint Fellowship), Dulal Roy Assam Indian Theatre, D.P Sinha Uttar Pradesh Indian Theatre.
Iaka Akademi Awards la sam nyngkong ha u snem 1952 bad ka jingai jingithuh da kane ka khusnam kadei naka bynta ban ai burom iaki nongput nongtem bad nongshad kiba la noh synñiang.
Ka Akademi ka kynthup lang ka song pisa ba T.3,00,000, ka Akademi Award T.1,00,000 nalor ka Tamrapatra bad Angavastram.
 2022- 2023 shaki 91 ngut ki nongak dram ba pawnam kynthup (2 tylli Joint Award) haka liang ka Performing Arts.){kind=link}