Tura, Lber 23: Ban ialeh ban iarap ia ki nongthep Vote kiba don jingduna ha ka dkhot met, la pynlong ia ka jingai jinghikai halor ka “Sign Language” ha Williamnagar, East Garo Hills.
Ha katei ka prokram la wan ban iashimbynta da ki 45 ngut ki Master Trainer na East Garo Hills bad North Garo Hills, ban ioh ia ki jingnang jingtip shaphang ka Sign Language ban ioh ban ai jingiarap ia ki nongthep vote ha ka elekshon ban wan.
Ka Barefoot Trust kala ai ia katei ka jinghikai ha baroh ki District jong ka jylla Meghalaya.
Ka A Sangma (MCS), ADC (Elections), haba ai jngkren kala banjur ia ka jingdonkam ban ym don ka jingnoh shilliang ia ki nongthep vote bad kala ai ka jingiaroh ia ka jingshimkhia katei ka kynhun kaba la pynlong ia katei ka jingai jinghikai.
Kala ong, “Kane ka Training kan pynthikna ba ki nongiarap ha ka elekshon kin ioh ia ka jingtip bad jinghikai ban nang ban iakren bad ki nongthep vote kiba don ka jingduna ha ka dkhot met, khamtam ha kaban bat skhem ia ka hok ka jongki ban pyndep ia la ka kamram ha kaban thep vote ban jied ia ki nongmihkhmat ha ka riti synshar paidbah.
