Ka ram ba shim na ki Bank bar Ri ki dei ba ioh subsidy haduh 72%
Shillong, Lber 08 :
Haba ai jingiaroh ia ka jinglah treikam bha jong ka Jylla haba phai sha ka jingpyntreikam ia ki Project, u Myntri Rangbah ka Jylla ula pyntip ba ka Jylla Meghalaya ka dei kaba ioh jingmyntoi bun tam eh hapoh ka Ri haba phai sha ka jingwan jong ki project ba bei tyngka na shabar ri (Externally Aided Project), kaba kot haduh T. 7500 klur.
U Myntri Rangbah ula pynpaw ia kane hynne ka sngi Thohdieng haba buh mawnongrim ban tei ia ka Mawlyndep Hospitality Complex ha shnong Mawlyndep, Ri-Bhoi District ha ka jingiadonlang u Myntri ka tnad jngohkai Bah Paul Lyngdoh bad u MP ka Rajya Sabha Dr W.R Kharlukhi.
Kane ka project ba T.29 klur kan ieng ha ka jaka ba heh haduh 10 acre.
Ia kane ka project la bei tyngka da ka New Development Bank, kaba dei ka Externally Aided Project ne ka Project ba bei tyngka na shabar ri, kaba long shibynta jong ka prokram ki Ri ba don ha ka BRIC.
Meghalaya has received funds close to Rs 7500 crores under EAPs, which are being invested to develop tourism, health and education infrastructures.
Our investment in tourism alone is around Rs 4000 crores, which in turn would create 50,000 jobs in the State.
We are developing… pic.twitter.com/PHhLc3yGKZ
— Conrad K Sangma (@SangmaConrad) March 8, 2024
U Myntri Rangbah ka Jylla ula shimpor ban ai jingpynshai halor ka jingpynsngewthuh bakla haba iadei bad ka jingshim ram jong ka Sorkar Jylla na ki thymmei bapher bapher khamtam ki Bank ba nabar Ri.
Halor kane, ula ong “Ka Sorkar Meghalaya ka ju shim ram na ki Bank bar ri hynrei kane kala wan lyngba ka Sorkar India kaba la ai subsidy haduh 72%”.
U pyntip ba ka Meghalaya ka dei kaba ioh bun eh ki project ba bei tyngka nabar ri kaba jan kot haduh T.7500 klur na ka Sorkar Pdeng.
Halor ki jingthmu ba ka Sorkar Jylla ka thmu ban leh ha Jylla, ula pyntip ba kumba T. 4000 klur yn sa kynshew ha ki kam jngohkai ha kine ki 4 snem ban wan, ki ban plie lad ia ka iohkam iohjam ba 50,000 ngut.
“Nalor kata, ka pynbna sa ia ka song pisa ba T.120 la pyllait hynnin ka sngi da u Myntri Rangbah Duh ka Ri sha ki kam pynroi ha East Khasi Hills bad kiwei ki bynta jong ka Jylla” ula ong.
U Myntri Rangbah ula kren ruh halor ka jingdon bun ki lad ka lynti kiba ka Jylla kan ioh jingmyntoi na ka jingpyllait ia ka Northeast Industrial Policy da ka Sorkar India.
Halor ka jingtei pyndep ia ka project ha Mawlyndep, u Myntri Rangbah ula ong “Ia ka work order lah dei ban ai sha ki contractor bad la khmih lynti ban pyndep ia ka kam hapoh ka 24 bnai bad la buhpor ban plie ia ka ha u snem 2026”.
Haba ai jingkren, u Myntri ka tnad jngohkai Bah Paul ula ong ba ka kam jngohkai ka dei ka lad kamai jakpoh kaba iai bteng bad ka kabu ban pynmih khajna ka bym rngat. Kum ka nuksa, ula kdew ia ka Sohra kaba la ioh jingmyntoi bha n aka kam jngohkai haba ianujor bad ka MCCL kaba la don ha u pud ban khang khyrdep noh.
