Shillong, Iaiong 5: Ka resol ba la pynbna mynta ka sngi da ka Meghalaya Board of School Education (MBOSE) jong ka Secondary School Leaving Certificate (SSLC) 2025, kila don ar ngut ki samla pule kiba ioh ia ka kyrdan ba nyngkong ne (First Position).
Kine ki ar ngut ki samla pule ki kynthup ia ka Leisha Agarwal na ka St. Margaret’s Higher Secondary School, Shillong, bad ka Avila Kathrene P Lyngdoh na ka North Liberty Higher Secondary School, Jowai, ki la ïabat lang ïa ka kyrdan ba nyngkong da kaba ïoh 582 marks.
Na kane ka result, ki don haduh 35 ngut ki samla pule kiba wan ha ka Top 10 bad kiba bun ki samla kila ia sam ia ki kyrdan.
Ha ka kyrdan kaba ar ruh ki khynnah pule kiba la ia bat lang ia ka jingioh marks bad kine ki kynthup ia u Evanshan Nongrum na ka Sacred Heart Boys’ Higher Secondary School, Shillong bad ka Pori Panday na Jawaharlal Nehru Higher Secondary School, Phulbari kiba la ioh mar 578 marks.
U Sourav Pandey jong ka Alpha English Higher Secondary School, Nongpoh, u la wan ha ka kyrdan balai da kaba ioh 576 marks, katba ka Anamika Singh jong ka Gorkha Secondary School, Upper Shillong, kala wan ha ka kyrdan ba saw da kaba ioh 572 marks.
Ia ka kyrdan ba san la ia sam lang da saw ngut ki samla pule kiba ioh marks mar kajuh kata 570 marks bad kine ki samla pule ki kynthup ia ka Taesha Grace Pakyntein, u Manderson Thongni, Esther D Shira, bad u Mahir Islam.
Ki don haduh hynniew ngut ki samla pule kiba ioh iaka kyrdan ba hynriew da kaba ioh marks 569 bad kine ki samla pule ki kynthup ia u A Arif Sheikh, Joody I Ryum Khonglah, Ranchita Paul, Obadaiah Joel Kharkongor, Ian Dongkam M Marak, Bathsheba Ch Sangma, bad sa u wei u khynnah.
Ka kyrdan ba hynniew la ia sam lang da ka Kriti Kumari bad ka Queency Kharsohnoh bad baroh kin ear ngut ki ioh 568 marks. Katba ha ka kyrdan ba phra la ia samlang da phra ngut ki samla pule kiba ioh 567 marks, Ha ka kyrdan ba khyndai la ia sam lang hapdeng lai ngut ki samla pule kiba ioh 566 marks.
Ia ka kyrdan ba 10 la ia sam lang hapdeng ar ngut ki samla pule kiba ioh 565 marks.
 jong ka Secondary School Leaving Certificate (SSLC) 2025, kila don ar ngut ki samla pule kiba ioh ia ka kyrdan ba nyngkong ne (First Position).){kind=link}