Nongstoin, Naitung 24 : Ka Khasi Students Union (KSU)-West Khasi Hills, kala ioh ban bat ia 23 ngut ki nongbylla bar jylla, kiba wan rung beain sha Jylla khlem ki kot ki sla, kata ruh ha ka por mynmiet.
Ia kine ki nongbylla bar jylla la ioh ban bat ha ka miet sngi Ba-ar na ka shnong Urkali bad ha ka jingtohkit, la lap ba kine ki bar jylla ki dei ki bym don satia ia ki kot ki sla.
Ka KSU kala beh noh ia kine ki nongbylla bar jylla sha Jylla Assam.
Ka KSU kala pyntip ba kine ki bar jylla kila wan rung sha Jylla lyngba ka Infiltration Gate jong ka Tnad Pulit kaba don ha Athiabari.
