Shillong, Iaiong 09 : Ka kynhun ialehkai cricket ki kynthei ka Meghalaya, kala ioh rung sha ka semi phainal jong ka 2nd NECDC Senior Women’s Inter State Cricket Tournament.
Kane ka kynhun ialehkai ka Meghalaya kala pyndep ha ka kyrdan ba nyngkong ha ka jingkamai point hapoh ka Group A da ka jingjop ia ka Nagaland, kaba la ioh rung lang kum ka runners-up.
Ka Meghalaya kala pynliem da 29 run ia ka Nagaland.
Haba shah phah tied nyngkong, ka Meghalaya kala lah ban buh ia ka thong ba 122 runs bad hap 4 wicket, khublei ia ka jinglah tied bha jong ka Captain Debasmita Dutta kaba lah ban kamai haduh 68 run. Ka Meghalaya kala duh kloi ia ka Luiza Tamang hynrei ka Debasmita bad ka Neha Hajong kila ialehkai bha paramaki bad kamai haduh 48 runs baroh arngut.
Ka Imsusenla Longkumer, Mengusenuo bad Sariba Khan kila ioh ban shim mar shi wicket na ka bynta ka Nagaland.
Haba wan beh ia ka thong, ka Nagaland kala shah pynjem khnap tang hapoh ka 93 runs bad hap haduh 9 wicket. Ka Ajima Sangma kala pynkhyllem ia ki wicket jong baroh ki nongtied ba nyngkong-kawei da ka run out.
Ka Meghalaya kan iakynduh pyrshah ia ka Manipur ha ka jingialehkai semi phainal ba nyngkong, ka ban long ha ka sngi Palei.
