Shillong, Jymmang 14: U Nongïalam ka United Democratic Party (UDP) uba dei ruh u nongïalam ka Liangpyrshah ha KHADC Bah Titosstarwell Chyne hynne ka sngi u la ong ba ka Party ka lah ban leit sha ka jingïalang jong ka All Party Committee hynrei ka dang bat ïa ka nongrim kaba skhem ban pyrshah ia ka project lynti rel kat bym pat don ki lad jing ïada kiba khlaiñ ban tehlakam iaka jingwan rung beain ki briew nabar ka Jylla.
Haba kren sha ki lad patahi khubor u Bah Titos u la ong, “Ban long shi bynta jong kano kano ka jingialang ban iathir nga tharai ba ka Party kan mynjur ia ka.”
“Hynrei ngin sa rai kum ka Party. Ngim lah ban rai tang kum u President ne General Secretary marwei ha kaba iadei bad kane ka kam. La ngin ia don bynta ne em ha ka jingialang jong ka All Party Committee, ïa kane ngin sa rai ha ka jingialang jong ka Party kaban long ha ka taiew ban wan” u la ong.
U Bah Titos u la ong ba ka Party ka dang bat ia ka nongrim kaba skhem ban pyrshah ia ka lynti rel kat bym bym pat don ki ain ba pyrrkhing ia ka jingwan rung beain ki briew sha ka Jylla.
“Kawei na ka nongrim kaba skhem baka UDP ka ïeng ka long ba ngi pyrshah ia ka lynti rel namar haduh mynta ym pat don ki ain ban peit ia ka jingwan rung beain ki briew shapoh ka Jylla Meghalaya. Dei na kata ka daw ba ngi la pyrshah jur ia ka lynti rel” u la pynpaw.
 uba dei ruh u nongïalam ka Liangpyrshah ha KHADC Bah Titosstarwell Chyne hynne ka sngi u la ong ba ka Party ka lah ban leit sha ka jingïalang jong ka All Party Committee hynrei ka dang bat ïa ka nongrim kaba skhem ban pyrshah ia ka project lynti rel kat bym pat don ki lad jing ïada kiba khlaiñ ban tehlakam iaka jingwan rung beain ki briew nabar ka Jylla.){kind=link}