Yn nang pyrrkhing arshah ka Sorkar Pdeng ia ki eksamin
Shillong, Naitung 26 : Ka Bharatiya Janata Party (BJP) ha ka sngi U Blei kala pyntip ba u Myntri ka Tnad Pule Puthi Dharmendra Pradhan ula iehnoh kam hi dalade ym da ka jingpynbor haba ban jur ba ia kane ka rai la shim ban pynthikna ba ki “nongshun ka ri bad ki bor nongwei” ba kin shim kabu ia ka jinglong jingman.
Ha ka kyrwoh bala pynmih da u nongaiktien ka Meghalaya BJP Arnab Das, ka party ka ong ba ka Sorkar Pdeng ka dang don ka jingsngew synei ia ki samla pule bad kala kut jingmut ban trei bha na ka bynta ka lawei jong ki pateng ban dang wan.
“Ka jingthmu ka long ban khanglad ia ki nongshun ka ri bad ki bor nongwei ba kin shim kabu ia ka jinglong jingman” ong ka kyrwoh.
Ka BJP kala ong ruh ba ka Sorkar kala pynkhreh ban wanrah ia ki jingpynkylla ha ka rukom treikam ha ka kam pule dangle kaba la “shu ieh la slem da ki Sorkar kiba la leit noh”.
Kat kum ka kyrwoh, ka jingpynkylla kan long ruh ha ka rukom pyniaid ia ki eksamin ki ban long kiba pyrrkhing bha.
Haba kynthoh ia ki Jylla ba synshar da ki seng sain pyrthei ba don ha ka liang pyrshah, ka BJP kala kynnoh ba ki jinglait tuh ki jingkylli kila jia dang shen ha ki Jylla kibym synshar da ka BJP kum ka Karnataka bad Jammu and Kashmir, hynrei “um don mano mano ruh ban shim ia ka jingkitkhlieh”.
 ha ka sngi U Blei kala pyntip ba u Myntri ka Tnad Pule Puthi Dharmendra Pradhan ula iehnoh kam hi dalade ym da ka jingpynbor haba ban jur ba ia kane ka rai la shim ban pynthikna ba ki “nongshun ka ri bad ki bor nongwei” ba kin shim kabu ia ka jinglong jingman.){kind=link}