spot_img

Iatynrah para rel ha Andhra Pradesh, iap 13 ngut, mynsaw bun ngut

Date:

Share post:

Visakhapatnam, Risaw 30 : Ha ka jingjia kaba sngewsih, kumba 13 ngut ki briew kila iap bad bun ngut kila mynsaw jur hadien ka jingiatynrah para rel hapoh ka lynti rel Hawroh-Chennai ha ka thain Vizoanagaram District ka Andhra Pradesh.

Kat kum ka jingiathuh ki Heh ka East Coast Railway (ECR), la iathuh ba kane ka jingjia kala jia ha ka miet sngi U Blei por 7 baje eiei. La ong ba ka rel Palasa ba kit briew, kala leit tynrai ia ka rel Rayagada nadien ha Kantakapalli, kaba lam sha ka jingkylla haduh lai tylli ki coach.

U Chief Public Relation Officer (CPRO) ka ECR Biswajit Sahu ula ong ba kumba khyndai ngut ki briew kila iap ha kane ka jingjia.

Kumjuh ruh ki heh ka Tnad Railway kila pyntip ba ia ki briew ba mynsaw la kit noh sha Hospital ha Visakhapatnam bad Vizianagaram.

Hadien kane ka jingjia, u Myntri Rangbah ka Andhra Pradesh YS Jagan Mohan Reddy ula bthah ia ki heh Sorkar ban siew ia ka jingiarap song pisa ba T.10 lak sha ki bahaiing jong ki briew kiba iap bad T. 2 lak sha kiba mynsaw, kiba dei napoh ka Jylla.

Ula pynbna ruh ban ai ka bai buria ba T. 2 lak sha ki bahaiing jong ki briew ba iap bad T. 50000 sha kiba mynsaw, kiba dei na kiwei pat ki Jylla. Na ka liang ka ECR kala buh ruh ia ka helpline halor kane ka jingjia.

Share post:

spot_img
spot_img

Popular

More like this
Related

Iap ka samla pule Law ha ka aksiden kali ha NH-6 | Mynsaw jur 5 ngut

Nongpoh, Jylliew 04 : Kawei ka samla ba pule...

Dei u Nongkhaii bar jylla ba kynnoh lum pisa u Synshar Khymdeit ha kyrteng ka HNLC

Shillong, Jylliew 04 : U Nongkhaii bar jylla ba...

Hadien 7 bnai, ioh kem ki Pulit ia ki koidi ba phet tuh na Nongpoh Civil Hospital

Nongpoh, Jylliew 04 : Ki Pulit ka Ri-Bhoi District,...

Dep pyllait ka Sorkar ia ki song pisa sha ki DC ban iarap ia ki lanot

Shillong, Jylliew 03 : U Myntri ka Tnad Revenue...