Shillong, Rymphang 12 : Ka jingruid lynti ia ka Pynursla Bypass kaba hap hapoh ka package-III jong ka surok Shillong-Dawki, kala iatyngkhuh mawsiang bad ym lah satia ban pynthikna namar ka jingmih ki trai shnong ban pyrshah.
Ia kane la pyntip hakhmat ka Iingkashari Meghalaya High Court ha ka sngi Nyngkong, haba shong bishar ia ka PIL bala mudui da u Kaustav Paul.
Ka hukum bala pynmih da u Chief Justice S Vaidyanathan bad Justice W Diengdoh ka ong ba kala don ka affidavit ba file ha ka 12 tarik Rymphang 2024 bad la batai shai lut ia ki kam jong ki 5 tylli ki package jong kane ka surok.
Haba iadei bad ka Package-III, ka affidavit ka ong ba ka lynti iaid (alignment) ka dang don hapoh ka jingbishar bad ka jingpynkhreh ia ka detailed project report ruh ka dang iaid shakhmat.
Hynrei, ia ka lynti iaid jong ka Pynursla Bypass ym shym lalah ban rai namar ka jingmih ki jingpyrshah na ki trai shnong, kala ong.
Ka hukum ka pyntip ruh ba u Additional Advocate General ula pan por lai taiew ban wad iaki lad ki lynti ban pynkut noh ia kane ka kam. Haba mynjur ia ka jingkyrpad, ka Iingkahsari kala buhban shong bishar biang ia ka mukotduma ha ka 28 tarik Rymphang.
