Shillong, Lber 16: U Symbud Myntri Rangbah ka jylla ba khmih ia ka Tnad Pynroi Sor bah Sniawbhalang Dhar, ula iathuh ba 2 tylli ki projek jong ka Shillong Smart City kila iatyngkhuh bad ka tnat Public Health Engineering (PHE) hynrei ki kam ki jam ki iaid beit iaid ryntih.
Haba kren sha ki lad pathai khubor u bah Sniawbhalang ula iathuh ba dang shen ka sorkar kala pyllait ia 2 tylli ki projek lyngba ka Shillong Smart City bad ka jingpyntrei ïaki ka dang ïaid shakhmat.
U bah Sniawbhalang ula ong ba ki projek hapoh ka Smart City ki kynthup ruh iaka Smart Road bad kane ka projek ka don ka jingïadei bad kiwei kiwei ki tnad treikam kum ka tnat ka koit ka khiah, ka tnat PHE bad kiwei kiwei de.
“Namar ka jingia tyngkhuh bad kiwei ki tnat, ka tnat pynroi sor ka donkam ban ïasyllok bad kiwei kiwei ki tnad bad lada kitei ki tnad treikam ki long kiba la kloi ban iatreilang lang, shen ki paidbah kin sa sakhi ia kine ki projek namar haduh mynta ruh ka jingpyntrei iaki ka dang iaid beit shakhmat” la ong u bah Sniawbhalang.
U bah Sniawbhalang ula kam ba ka jingpynslem ban pyntreikam bad pyntyllun ïa ki projek ka Smart City kadei namar ba hap ban tih ïa ki Pipe um bad pynsangeh ïa ka jingsam um bad kumta khlem ka jingïakren bad kitei ki tnad ka long kaba eh ïa ka Smart City marwei ban pyntrei ïa katei ka projek.
Ula ong ba hadien da la dep ka dorbar mang tyngka ka ïngdorbar thawaiñ ka jylla, kum u myntri ka tnat dalade un sa leit ban khmih ïa kawei pa kawei ka projek naka bynta ban iohi ba ki kim ki iaid beit iaid ryntih.
