Shillong, Naiwieng 07: Ka Central Bureau of Communication (CBC), Shillong haka jingiatreilang bad ka Shillong Municipal Board ka Sorkar Jylla, kala pynlong iaka Shramdaan-Cleaning Drive kaba dei shi bynta jong ka Swachhata Hi Seva Campaign.
Ia kane la pynlong ha Khyndai Lad ban ialap paidbah halor ka khuid ka suba bad ka jingdonkam ban iatreilang ka imlang sahlang ban pynneh iaka khuid ka suba.
Ha kane ka sngi la ïohi ïa ka jingïashim bynta da u Myntri ka tnad ri mrad u bah AL Hek, u SDO (Sardar) u Anendya Raajsshre, u Rangbah Shnong ka Riatsamthiah u Bah Mariahom Kharkrang, u Vice President ka Police Bazar Welfare Organisation u KK Jhunjhunwala.
La iohi ruh ba ki samla shynrang bad kynthei jong ka Martin Luther Christian University, St. Edmunds College nalor ka Jail Road Boys Higher Secondary School, ki shipaj BSF and CRPF, Meghalaya Fire and Emergency Services, kisi nongdie dukan, ki nongdie madan kila iashim bynta kaba radbah ha ka prokram kaba shisngi.
U Myntri Sorkar Jylla u Bah AL Hek haka jingkren u la ban jur ia ka jingdonkam jong ka jingkhuid jingsuba bad u la iaroh ia ka jingiatreilang bad ka jingshim bynta shitrhem jong baroh ki nongiashim bynta ha ka jingpynkhuid.
U Bah Hel u la iaroh ruh ïa ka jingtrei shitom jong ka Jiwat Vaswani, kaba shimkhia ban wanrah ka khuid ka suba bad ban pynneh pynsah ïaka mei mariang ha ka nongbah Shillong.
U Bah Hek ula pynkup burom ruh ia 7 ngut ki safai mitras nalor ka jingsam khusnam sha ki khynnah skul ka Jail Road Boys Higher Secondary School kiba la iashimbynta ha ka jingiakop thoh essay halor ka mat pdeng jong ka khuid ka suba.
Ki nongdie dukan madan ruh kiba shong dukan ha ka thain kila ioh pdiang ia ka cheque na ka skhim PM SVANidhi, kaba thmu ban kyrshan ia ki nongshong dukan madan ba kin khyllie ia ka kamai kajih ba ki duh.
La pynlong ruh ia ka Health Screening Camp da ka District Medical & Health Officer ha kane ka jaka nalor ka jingbuh ia ka Aadhar Camp bala pyniaid da ka Unique Identification Authority of India (UIDAI) ban update ia ki Aadhaar Card.
Ka Meghalaya State Rural Livelihood Society ruh kala buh ia ka mobile unit ha kane ka jaka, ha kaba ki nongiashim bynta ki la ioh ka lad ban thied ia ki tiar shna kti, ban kyrshan ia ki nongshna jingshna jong ka thain.
Lah pynshongshit shuh shuh ia kane ka sngi da ka jingiashad paid ne flash mob jong ka kynhun Meghalaya Warriors Dance Academy bad la pynwai pat da ka jingiaput iatem ha ka por janmiet da ka kynhun ‘Sob Rock’.
, Shillong haka jingiatreilang bad ka Shillong Municipal Board ka Sorkar Jylla, kala pynlong iaka Shramdaan-Cleaning Drive kaba dei shi bynta jong ka Swachhata Hi Seva Campaign.){kind=link}