Shillong, Naitung 29 : Ka Shillong Ropeway Cable Car Project kala iatakhuh jingeh namar ka mukotduma Piblic Interest Litigation (PIL) hapoh ka Iingkashari Meghalaya High Court ba pyrshah ia ka jingpom ia bun bah ki dieng ha ka thain Lawsohtun, East Khasi Hills.
Kat kum ka jingong u Myntri kam Jngohkai Bah Paul Lyngdoh, ka Sorkar kala dep batai ia ka Iingkashari halor ki jingbit kiba donkam, kynthup ka jingbit ban pom ia ki dieng ha ka thain Lawsohtun.
“Ka project kala shah ktah ha kane ka PIL hynrei mynta namar ba ngi la pynshai sha ka Iingkashari ba ngi la dep ioh ia ki jingbit na ka Ministry, kumta, ka kam ka dei ban sdang iaid sted noh” ong u Bah Paul haba iakren bad ki nongthoh khubor ha ka sngi Ba-ar.
Ula pynpaw ba kam long kaba suk ban sdang pyntrei ia ka project khlem da ioh ia baroh ki jingbit kiba donkam.
“Halor ka jingpom ia ki dieng, kane kala wan kum shibynta na ka jingbit kaba ngi la ioh na ka Ministry hashuwa ba ngin sdang trei ia ka kam. Ngi la dep batai sha ka Iingkashari ia kane ka jingioh jingbit, kaba ngi la ioh na ka Ministry of Social Forestry, Forest & Environment bad kaei kaba ngi la leh haduh mynta ka dei kaba la iaid kat kum ki kyndon ain” ong u Myntri.
Haba kylli halor ka kam thungdieng biang, u Bah Paul ula ong baka jingthungdieng biang kan sa long hadien ba la pyndep ia ka project bad ka jingphaikhmat mynta ka long ban pynkloi ia ka jingpynkhuid ia ki jaka khnang ban ioh trei noh ia ka ropeway.
“Hadien ba ngi la pyndep ia ka ropeway projecr bad ngi la dep plie ia ka, phin sa iohi ia ka jingdon ka jingia thung dieng. Kaei kaba ngi leh mynta ka dei tang ka jingpynkloi ban pynkhuid ia ka jaka” ula ong.
Ka Shillong Ropeway Project ka dei kaba la pyntrei da ka jingthmu ban kyntiew ia ki kam jngohkai ha ka thain bad ka Sorkar kala pyrshang katba lah ban pynbeit noh ia ki kynrum kynram bad ban pyndep kloi ia ka project, ula ong.
 hapoh ka Iingkashari Meghalaya High Court ba pyrshah ia ka jingpom ia bun bah ki dieng ha ka thain Lawsohtun, East Khasi Hills.){kind=link}