Shillong, Naitung 29: U Nongïalam ka BJP bad Myntri Sorkar Bah AL Hek ha ka sngi Ba-ar, ula kam ba ka Meghalaya Residents Safety and Security Act (MRSSA) kala biang eh ban tehlakam ïa ka jingwan rung kyrthep ki bar Jylla sha kane ka Jylla bad ka jingwanrah da kawei pat ka ain kan nym long kaba donkam than.
“Ka sobjek hi ka long kumjuh. Ngi kwah tang ban tehlakam ia ka jingwan rung kythep ki briew shapoh ka Jylla jong ngi. Lada ngi don ia ka ain kaba khlaiñ bad kaba treikam bha kum ka MRSA, balei ngi kwah sa kawei pat ka ain” la ong u Bah Hek.
U Bah Hek ula ong ba MRSSA ka dei ka ain kaba khlaiñ bha ban peitngor bad pyrkhing iaka jingwan tuid ki briew shapoh ka Jylla Meghalaya.
“Ka MRSSA ka dei ka ain kaba biang bha ban tehlakam ia ka jingwan tuid ki briew bad ban pynthikna ia ka jingshngain jong ki nongjngohkai bad ki trai shnong” u la ong.
U Myntri ula ong baka MRSSA ka ai bor ia ki Dorbar Shnong bad ki trai iing ban peit ia ka jingwan tuid ki briew na bar ka Jylla da kaba iada ia ka bha ka miat ki trai shnong jong ka Jylla.
Ula pyntip ba iaka jingtyrwa ban pyntreikam pura ïa ka ain MRSSA yn sa ïakren hapoh ka jingïalang jong ka kynhun Myntri Sorkar Meghalaya.
 kala biang eh ban tehlakam ïa ka jingwan rung kyrthep ki bar Jylla sha kane ka Jylla bad ka jingwanrah da kawei pat ka ain kan nym long kaba donkam than.){kind=link}