Shillong, Kyllalyngkot 30: Ka Office jongu District Election Officer, East Khasi Hills hynne ka sngi kala pynlong iaka District Level Outreach Programme na ka bynta ki Polling Station kiba ju poi duna haka jingiathep vote ha ka elekshon.
Ia katei ka jingialang la pynlong ha Deputy Commissioner ophis Shillong ha kaba u DC ka East Khasi Hills u S.C Sadhu, ka Assistant Commissioner ka Saloni Verma, Booth Level Officers (BLOs) bad ki Rangbah Shnong na ki shnong bapher bapher kila iatai sani halor katei ka mat.
Ha katei ka jingialang ki ophisar jong ka tnad Election, ki BLO bad ki Rangbah Shnong kila iakren bad iatai sani halor ki daw kiba la pynlong iaki paidbah ba kin mih duna bha haka jingiathep vote ha ka por elekshon ha ki jaka thep vote kiba don ha ki shnong ki thaw jong ki.
Ki nongiashimbynta kila ai iaki jingai jingmut bad ia ki sienjam kiba dei ban shim ban pynbha khnang ba ki paidbah kin mih shakhmat ban iashimbynta ha ka jingiathep vote haka MLA Election 2023 kaban long ha ka 27 tarik u Rymphang.
