Iashimbynta u CM ha ka Education Conclave ha Tura
Shillong, Jylliew 19 : Ka Sorkar Jylla kala iasoi ia ka Memorandum of Understanding (MoU), ba aiti ban pyniaid ia ki 20 tylli ki skul Lower Primary ka Sorkar ha Ri-lum Garo.
Ia kane ka MoU la iasoi ha ka Education Conclave kaba long ha ka sngi Palei, ha Tura, kaba la iashimbynta lang u Myntri Rangbah ka Jylla Conrad K Sangma, u Myntri ka Tnad Pule Puthi Rakkam A Sangma, , Vice Chancellor ka Captain Williamson Sangma State University, Dr. Vasanthi Vijaykumar bad kiwei kiwei.
Ha kane ka Conclave, u Myntri Rangbah ula pyllait paidbah ruh ia kiba bun ki prokram ka Sorkar ba kynthup ia ka Meghalaya School Quality Assessment and Accreditation Framework (MSQAAF) bad ka CM IMPACT Meghalaya Learning Enhancement Programme (M-LEP). La sam ruh ia ki Educational tablets sha ki khynnah kiba donkam ban shimkhia kyrpang.
Haba ai jingkren, u Myntri Rangbah ula kren halor ka jingdonkam ban iatreilang bad iatehlok bad ki seng bapher bapher kum ka Mother’s Union ban nang pynmih kham bha ia u soh ai jinghikai.
“Ka Sorkar ka angnud ban iatreilang bad ka imlang sahlang. Ka jingiatreilang kan mut ban iatrei ryngkat bad ka Sorkar ban pynmih kham bha ia u soh ai jinghikai” ula ong.
U Myntri Rangbah ula kyntu ruh ia baroh ki kynhun kiba don bynta ha ka kam pule puthi, ba kin iatrei ang ban wad ia ki lad ki lynti ban weng ia ki jingeh kiba iakynduh ha ka pule puthi bad ruh ban pynleit jingmut haki jingsynniang kiba trei ia ka roi ka par jong ka Jylla.
U Conrad ula kren ruh halor ka jingkongsan ka pule puthi ban saindur ia ka jingmut jingpyrkhat jong ki khynnah haba buh hakhmat ia ka jingbun ki nongshongshnong ba dang rit ka rta, ba ka long kum ka kabu bad ka jingtynjuh.
Ula kren ruh halor ki sienjam bala shim da ka Sorkar ban pynkylla dur thymmai ia ka kam pule puthi ha Jylla ba kynthup ia ka jingtei pynbha ia ki Iingskul/college ka Sorkar, ka jingseng ia ka Captain Williamdon Sangma State University bad ka jingkynshew ha ki kam ialehkai bad ka put ka tem. “Ki prokram jong ngi ki thmu eh ha ka ban plie lynti ia ki samla” ula bynrap.
“Ka pule puthi ka dei u paia ba kongsan eh ha ki mat pynroi pynpar ka Sorkar bad kaJylla kala kut jingmut ban kynshew ha ki khun samla jong ka”.
Kane ka Conclave ka ai ia ka rynsan ban iathir iatai bad iasyllok ba kumno yn lah ban pynjanai ia ka kam pule puthi, haba pynleit jingmut ban wad ia ki lad ki lynti bad iatreilang ban kynjoh ia kajuh ka thong.
, ba aiti ban pyniaid ia ki 20 tylli ki skul Lower Primary ka Sorkar ha Ri-lum Garo.){kind=link}