Shillong, Naiwieng 15 : Ka Meghalaya kala pynkhreh ban ioh iala ka ka jaka leh test ba nyngkong eh, kaba la ithuh da ka NABL ban pynthikna ia ka jingkhlain ki jingtei ba sam bording elektrik hapoh ka Revamped Distribution Sector Scheme (RDSS), ka sienjam kaba khmih lynti ban pynmyntoi shikatdei eh ia ka thain Shatei Lam Mihngi baroh kawei.
Ka REC Limited kala pynbeit ia kane ka jingiasoi MoU hapdeng ka Meghalaya Power Distribution Corporation Limited (MePDCL) bad ka Central Power Research Institute (CPRI), ban seng ia kane ka jaka test hapoh ka Jylla.
Ia kane ka MoU la iasoi ha ka jingiadonlang u Chief Secretary ka Jylla Dr Shakeel P Ahammaed, CMD ka REC Jitendra Srivastava, Director General ka CPRI Dr J Sreedevi, Executive Director ka REC Prince Dhwan, CPM ka REC (Guwahati) Subhendu Roy bad ki Heh Ophisar ka MePDCL, CPRI bad REC.
Kane ka jaka test kaban sa wan la khmih lynti ba kan pynduna ïa ki jingeh ha ka liang ka jingpynpoi mar kiba ki jylla jong ka thaiñ shatei lammihngi ki la ïakynduh la slem bah, kiba mynta ki shaniah ha ki jaka test kiba jngai na ka bynta ban test ïa ki tiar bording kiba heh kum ki transformer sam bording.
Hapoh ka soskular, ka CPRI kan ai ia ka jingiasyllok ba pura bad ka jingkyrshan ha ka liang ki tiar ki tar, ban iarap ia ka MePDCL ha ka kam ban thied ia ki tiar ki tar, ki kot ki sla, bad btin lynti ha kabna pynthikna b aka laboratory kan pyndep ia ki jingdonkam bala buh da ka NABL. Ka REC, kaba dei ka Nodal Agency jong ka RDSS, ka don ia ka bynta kaba kongsan ban wanrah lang hajuh ia kine ki tnad bad ban lah pyntrei ia ki project.
Shisien ba la treikam, kane ka jaka kan pynsted ïa ka Field Material Quality Testing and Inspection (FMQI) bad kan iarap ha ka jingpyntreikam kham kloi ïa ki projek RDSS ha kylleng ka jylla Meghalaya.
Ka MePDCL kan thied bad buh ia baroh ki kor test kiba donkam—kynthup ia ki ben test HV, ki meter jingthew ia ka jingkhlain, bad ki tiar thew—bad kan pynkhreh ia ka laboratory na ka bynta ban ioh jingithuh. Ka jingiatreilang kan pynleit jingmut ruh ha kaba tei ia ka bor treikam ha ka thain, ha kaba ki riew shemphang jong ka CPRI kin ai jinghikai bad ai jingmut ia ki briew jong ka MePDCL.
Haba kren ha kane ka jingïalang, u Chief Secretary ka Jylla Meghalaya Dr. Shakeel P. Ahammed u la ong ba kane ka jingthmu kan pynsted shibun ïa ka jingpyntreikam ïa ka RDSS bad kan ïarap ïa ka MePDCL ban pynmih ïa ki jinglah ban leh hi ia ki test dalade.
, ka sienjam kaba khmih lynti ban pynmyntoi shikatdei eh ia ka thain Shatei Lam Mihngi baroh kawei.){kind=link}