Shillong, Nailar 05: Ka IIM Shillong kala iasoi ia ka jingiatehkular (MoU) bad ka State Institute of Rural Development & Panchayati Raj (SIRD&PR), Arunachal Pradesh da ka jingthmu ban iatreilang na ka bynta ban pynkylla dur bad ban kyntiew ia ki kam nongialam bad ki bor pyniaid hapoh ki Panchayati Raj Institution (PRI) ka Arunachal Pradesh.
Ia katei ka MoU la soi da u Prof. D.P. Goyal u Director jongka IIM Shillong bad u Secretary Panchayati Raj-cum-President Executive Council, SIRD&PR u Dr. S Dr. Sonal Swaroop.
Ka jingthmu ba hakhmat jong kane ka MoU ka long ban buh ia ki kyndon ban pyntreikam ia ka Management/Leadership Capacity Building Program bad ia kane ka prokram la pynwandur ban kyntiew ia ka jingtbit bad jingnang jingstad jong ki nongmihkhmat kiba la shah jied, ki ophisar bad ki nongtrei jong ki Panchayati Raj Institution (PRI) ha kylleng ki bynta jongka jylla Arunachal Pradesh.
Kane ka jingiatreilang ka pyni ia ka sienjam kaba kongsan ban pynkhlain ia ka jingsynshar bad jingtreikam jong ki kam pynroi ha ki thain nongkyndong bad ka Panchayati Raj ha ka thain bad ban iasam lang ia ki jingtip ban kyntiew ia ka jingsynshar bad jingshakri ha ki thain nongkyndong ban kyntiew iaka sap long nongialam ha ka imlang sahlang.
 bad ka State Institute of Rural Development & Panchayati Raj (SIRD&PR), Arunachal Pradesh da ka jingthmu ban iatreilang na ka bynta ban pynkylla dur bad ban kyntiew ia ki kam nongialam bad ki bor pyniaid hapoh ki Panchayati Raj Institution (PRI) ka Arunachal Pradesh.){kind=link}