Shillong, Naiwieng 16: Ka Zoological Survey of India (ZSI), North Eastern Regional Centre, Shillong ryngkat ka jingiatreilang bad ka Department of Zoology, College of Science & Commerce (CSC), Mawphlang, kila pynlong ia ka prokram ha Law Kyntang, Mawphlang ha ka sngi Saitjaiñ kum shi bynta jong ka jingrakhe ia ka Janjatiya Gaurav Divas bad ban kynmaw burom ia ka lyngkhuh sngikha kaba 150 snem jong u Bhagwan Birsa Munda.
Ha kane ka jinialang la wan ban iashimbynta da ki nongshong shnong kaba la palat ia ka 100 ngut, kynthup ia ki nongialam shnong, ki kynhun jong ki samla, ki nonghikai bad ki samla pule.
U Bah C.A. Lyngdoh, u Lyngdoh ka Hima Mawphlang ula plie ia kane ka jingrakhe kum u Kongsan ha ka jingdonlang u Rangbah Shnong ka Mawphlang u Bah J. Kharkongor (Principal, CSC Mawphlang), Dr. Saipari Sailo (Scientist D, ZSI Shillong), ki nonghikai jongka College of Science & Commerce bad kiwei kiwei.
U Dr. Bankerdonbor Kharbisnop, Head of the Department of Zoology, CSC Mawphlang bad Dr. S. Kharbhih, Head of the Department of Botany, CSC Mawphlang kila pdiang sngewbha ia baroh kiba la wan ha ka jingialang ryngkat bad ka ai jingbatai halor kane ka jingthmu jong kane ka prokram.
Ki nongkren kila pynpaw ba ka jingkongsan jongka Janjatiya Gaurav Divas kadei ban ai burom ia ki jingriewspah ka kolshor bad ka riti dustur tynrai jong ki jaidbynriew riewlum hapoh ka ri India, da kaba ai jingithuh ia ka jingnang jingstad bad ka jingshemphang jong ki riewlum bad ia ka jingnoh synniang ka jong ki ha kaban tei ia ka ri.
Kila pynpaw ruh ia ka jingkongsan jong ka Law Kyntang ba kadei ka jingleh jong ki pateng ki barim kaba dang im haduh mynta bad ka bynta kaba kongsan bha ha kaban pynneh ia ka jingdon jingem jong ka mei mariang.
La pynkut ia kane ka jingialang da ka jingiasyllok bad ki nongshong shnong da kaba pynleit jingmut ha kaba iadei bad ka kolshor, ka jinglong kongsan jong ki sawdong sawkun jongka Law Kyntang bad ban ia don lang ia ka jingkitkhlieh ban iada ia ki jingriewspah jong ka mei mariang na ka bynta ki pateng ban wan.
, North Eastern Regional Centre, Shillong ryngkat ka jingiatreilang bad ka Department of Zoology, College of Science & Commerce (CSC), Mawphlang, kila pynlong ia ka prokram ha Law Kyntang, Mawphlang ha ka sngi Saitjaiñ kum shi bynta jong ka jingrakhe ia ka Janjatiya Gaurav Divas bad ban kynmaw burom ia ka lyngkhuh sngikha kaba 150 snem jong u Bhagwan Birsa Munda.){kind=link}