Shillong, Nailur 24 : U Lamphang ka Iingdorbar Thaw Ain Thomas A Sangma bad Symbud Lamphang Timothy D Shira, kila leit iashimbynta ha ka 10th Commonwealth Parliamentary Association (CPA) India Region Conference ba long ha Lok Sabha, New Delhi hynne ka sngi Ba-ar.
Kane ka dorbar ka pynleit jingmut halor ka mat “The Role of Legislative Bodies in the Attainment of Sustainable and Inclusive Development”.
U Lamphang Thomas A Sangma, ula pyntip ba kane ka dei ka sien kaba lai ba ula iashimbynta ha ka CPA Conference. Ula kren halor ka jingkordor kane ka dorbar bad ong ba ki ai ia ki jingtip kiba jylliew bha halor ka rukom pyniaid ia ki Iingdorbar.
