Shillong, K’lyngkot 29: U Myntri Rangbah ka Jylla Conrad K Sangma hynne ka sngi Nyngkong, ula iashimbynta ha ka Pariksha Pe Charcha program lyngba ka kor online, kaba la shimkhia da u PM Modi ha ryngkat ki samla pule bad ki Nonghikai na kylleng ki Jylla jong ka Ri.
U Conrad ula pynpaw ia ka jingsngewkmen ia kane ka sienjam kaba la ailad ia ki samla pule ba kin ioh iakren mar pyrshah bad u Myntri Rangbah Duh ka Ri. Ula ban jur ia ki jingkylla ka juk ha kaba kum kine ki lad ki kabu kiba iar ban don mynshuwa, kila don mynta na ka bynta ki riew paidbah.
U Conrad ula pynpaw ia ka jingsngewnguh ia u Myntri Rangbah Duh halor ka jingnang pyrsad mynsiem ia ki samla bad ki Nonghikai lyngba ki kyntien ba u kren.
Haba thoh ha X, u Conrad ula ong “Sngewtynnad eh ban iohi ba kane ka sienjam ka dang iia bteng, kaba ai ka rynsan ia ki samla ban iakren markhmat bad u Myntri Rangbah Duh ka Ri, kaba kham niar ban don ha ka por jong ngi. Kane ka pyni ba ka por kala kylla bad kumjuh ruh ka Ri ha kaba ki kabu ban iakren markhmat bad u Myntri Rangbah Duh kila don mynta na ka bynta ki riew paidbah. Khublei shibun ia u PM halor ka jingnang ai mynsiem ia ki samla pule bad nonghikai jong ngi lyngba ki kyntien ba u kren”.
Attended the Pariksha Pe Charcha program virtually initiated by the Hon’ble PM, Sh. @narendramodi ji along with students and teachers from across the country.
Glad to see this initiative continuing, providing an platform for students to interact with our Hon’ble PM which was a… pic.twitter.com/ls0GTiXKsS
— Conrad K Sangma (@SangmaConrad) January 29, 2024
PM Modi’s ‘Pariksha Pe Charcha’
U Myntri Rangbah Duh Narendra Modo, haba ai jingkren ha ka ‘Pariksha Pe Charcha’ program, ula ai jingmut ia ki Kmie Kpa ba kin shimkhia ia ki report card jong ki khun ki kti bad ki visiting card. Ula ban jur ia ka jingkongsan ka jingialeh (competition) ha ka jingim haba kyntu ia ki samla pule ba kin iakhun (compete) bad la ka jong ka thong ha ka jaka ban iakhun bad kiwei pat ki samla pule.
Ia kane ka prokram la pynlong da ka Ministry of Education ha Bharat Mandapam, New Delhi.
