Tura, Nailar 23: Ki samla pule jongka Ampati Degree College kila iashimbynta ha ka awareness programme on Swachhata Hi Seva, Ek Ped Maa Ke Naam bad Nasha Mukt Bharat Abhiyaan, kaba la pynlong da ka Field Publicity Office, Tura, Central Bureau of Communication, Ministry of Information & Broadcasting ha ka sngi Thohdieng.
Haba ai jingkren ia ki samla, u Dr. Matgrik Sangma, Medical Officer, ula maham ba ka South West Garo Hills kadei kaba shah ktah na ka jingkhaii droks be-ain namar ka jingjan palat bad ka Bangladesh bad Assam, kaba la buh ha ka jingma ia ki samla ban ngop ha une u jingdih uba sniew.
Ula kyntu ia ki samla pule ban pan jingiarap lyngba ka District Mental Health Programme bad ha u Helpline 9362749485 bad Tele-MANAS 14410.
Ha kane ka jingialang la ioh ruh ia ka jingkren na ka Vice-Principal bad ki nonghikai halor ka jingma jong u droks bad u duma, ka jingdonkam ban thung dieng bad ka jingkongsan ban lehkhuid lehsuba.
Ki samla pule kila iashimbynta ruh ha ka jingbam smai, thung ia u sohmanir, iashimbynta ha ka jingpynkhuid shnong bad ka jingiakob kyntip bad la pynkut la da ka jingsam ia ki khusnam.
