Shillong, Lber 06: Ki khynnah skul ka Seng Khasi Secondary School Smit lem bad ki samla pule ka Women’s College haka jingiatreilang bad ka ophis State Tuberculosis Meghalaya, haka 6 tarik mynta u bnai ki la pynlong ia ka jingiaid paidbah ban pynsngewthuh kumno ban rat dyngkhong bad ban ialeh pyrshah ia ka jingpang TB.
Naka liang ki khynnah skul ka Seng Khasi Secondary School Smit kila rah da ki plakad ban pyrta ban rat dyngkhong bad ban ialeh pyrshah ia ka jingpang TB hapoh ka jylla.
Naka liang ka State Coordinator kong Tracy Kharkamni kala ong ba kane ka jingiaid paidbah bad ka jingpynlong iaki Drama kadei kum shi bynta ban pyntreikam iaki mat jong ka National Tuberculosis Elimination Program kata ban rat dkhong iaka jingpang TB hapoh u snem 2025.
Ka kong Tracy kala ong ba ka long kaba donkam ban iatreilang naka bynta ban rat dyngkhong ruh iaka jingi bein ia kito kiba don jingpang TB bad naka bynta kane donkam ban pynsngewthuh paidbah halor ka jingpang bad kumno ban rat dyngkhong ia kane ka jingpang napoh ka imlang sahlang.
