Shillong, Feb 6: Kumba 340 ngut ki khynnah shynrang kila leit ban iashimbynta ha ka jingpyrshang ne ka Selection Trials kaba dei ka sien kaba nyngkong eh, ban pynrung ha ka Meghalaya Football Association (MFA) Academy ha Shillong hynne ka sngi Thohdieng.
Kane ka Trial kadei na ka bynta ki khynnah shynrang kiba la kha hapdeng u snem 2013 bad 2016. La pynkilan met bad khmih bniah ia ki da ki dkhot kiba la rangbah jongka MFA bad ki Youth Coach kiba la shemphang.
Kila don 17 ngut ki khynnah shynrang kiba la shah jied ha kaba kin jam pat sa kawei pat ka wat ban shah jied.
Ka MFA kala pynbna ha u bnai bala dep ia kane ka jingthmu ban sdang ia ka Academy hapoh Shillong kum shi bynta ban iai bteng ban pynkhlain ia ka jingialehkai football ha ki shnong ki thaw ha ka jylla.
Ka MFA Academy kan pynleit jingmut ban pynwandur pynwandar bha ia ka jingai jinghikai bad ban thaw ia ka lynti iaid kaba khlain ia ki nongialehkai Football kiba dang khynnah ha Meghalaya ban kiew shaphrang ha ka jylla bad ha ka ri lyngba ka sawdong sawkun jongka jingialehkai football” la pynpaw ka MFA ha ka kyrwoh khubor.
 Academy ha Shillong hynne ka sngi Thohdieng.){kind=link}