Shillong, Jymmang 04: U Myntri Khynnah ka sorkar pdeng uba khmih iaka tnad Home Affairs u Nityanand Rai hynne ka sngi ula leit jurip iaka ktem jong ki shipai BSF kiba don haka thaiñ khappud bad ka ri Bangladesh.
U Myntri Khynnah haka ktem ki shipai BSF kaba don ha Dawki, ula pynlut iaka por ban iakren bad ki shipai BSF kiba pahara ha shi lynter u pud u sam bad ka ri Bangladesh ha kaba la iadonlang u Inspector General ka BSF Meghalaya u Pradip Kumar.
Une u heh BSF ula pyntip ha u Myntri Khynnah iaka kamram jong ki BSF ha kaban iada iaka ri, ia ka jingeh kaba ki mad ha ki thain khappud bad ki sienjam kiba kila shim ha kaban tehlakam ia ki kam be-aiñ ha khappud.
U Myntri Khynnah ula iaroh iaka jingtrei shitom jong ki BSF ha kaban ai jingshngain ia ki nongshong shnong ha khappud bad ban iada iaka ri.
Ha kane kajuh ka sngi, u Myntri Khynnah ryngkat ka jingiadonlang u IG ka BSF, u DGP ka jylla u Dr LR Bishnoi bad ki heh ka CRPF kila leit ruh ban shonglieng ha ka wah Umngot bad ban peitkai iaki jingitynnad kane ka jaka bad khamtam ia u pud u sam hapden gak ri India bad Bangladesh.
