Shillong, Nailur 15: U Myntri Rangbah ka Jylla u Conrad K Sangma ha ka sngi Nyngkong ula ai ka jingiaroh ia ki Doctor bad ia ka kynhun ai jingsumar ka Williamnagar Civil Hospital halor ka jingseisoh ka Surgery kaba nyngkong hapoh ka Epidural Anaesthesia.
Haba pynpaw ha ka rynsan X, u Myntri Rangbah ula ong, “Nga ai khublei kyrpang ia ki Doctor bad ia ka kynhun ai jingsumar jong ka Williamnagar Civil Hospital halor ka jingseisoh ban pyndep ia ka ia ka Surgery kaba nyngkong eh hapoh jong ka Epidural Anaesthesia, ha kaban weng ia u Ovarian Tumour uba 15 Kg na ka met jong ka nongpang kaba la don 45 snem ka rta”.
Heartiest congratulations to the doctors and medical team at Williamnagar Civil Hospital for successfully performing a first-of-its-kind surgery under epidural anaesthesia, removing a massive 15-kg ovarian tumour from a 45-year-old female patient. @MoHFW_INDIA https://t.co/mMNLL0naLm
— Conrad K Sangma (@SangmaConrad) September 14, 2026
Katkum ka tnad ka koit ka khiah ka jylla, la weng ia u Ovarian Tumour uba don 15-kg bad kane ka jingseisoh ban weng ia une u Tumour na ka met jong ka longkmie kaba la 45 snem ka rta kaba don hapdeng ka jingdon lypa ia ka jingpang Cardiac. Kadei ka sien kaba nyngkong eh bad ka rukom sumar kaba eh bad jwat bha kaba la leh da ka hospital.
Ia kane ka Surgery kaba don jingma, la ialam da u Dr Vince Momin bad la kyrshan da u Dr Sengrak Marak, Dr Tanmoy Momin, Medicine Specialist, ki Staff Nurse kiba kynthup ia ka Eulin, Eugine bad Dinea bad OT Technician Trinchi.
Ka Tnad kala ong, ba kane ka jingjop ka pyni ia ka jingtbit bad jingshemphang, ka jingiatreilang kum ka kynhun bad ka jingshlur jong ka kynhun ai jingsumar ka
Williamnagar Civil Hospital, ha kaba ka Surgery kala long kaba seisoh wat hapdeng ka jingmad ia ki jingeh ha ka jinglong jingman jong katei ka jingjia.
