Shillong, Naitung 09 : Ka Hill State People’s Party (HSPDP) ha ka sngi Palei kala ai khublei ia u Myntri Rangbah Conrad K Sangma halor ka jingban biang ba ka Sorkar Jylla kam don jingthmu ban shah tih uranium ha Meghalaya.
U President ka HSPDP Bah KP Pangniang ula niew ia kane ka jingkren u CM kum kaba “ tyngeh bad ha ka pork aba dei” bad ong b aka wanrah ia ka jingshai kaba donkam halor kane ka kam kaba la sahteng la slem bha.
“Ngi kmen bha bad sa shisngi ngi ai khublei ia u Myntri Rangbah ka Jylla namar ka jingiengskhem bad shim rai ba mar mar. Ngi la pyntip ruh sha baroh ki nongshongshnong ka Jylla ba ka Sorkar kam don satia ia kano kano ka jingthmu ban tih ia u uranium hapoh ka Jylla” ong u Bah Pangniang.
Ula bynrap ba ka party ka pdiang ia ka nongrim jong ka Sorkar namar ka iahap bad ka jingpyrshah kaba la iaid da ki phew snem jong ka HSPDP ban tih uranium.
“Kum ka party ngi la pyrshah jur ia ka jingtih uranium ha Jylla. Kane kala sdang naduh ka por jong ki nongialam barim kum u (L) Bah Hopingstone Lyngdoh, uba la shimkhia bha ia kane ka kam” ong u Bah Pangniang.
 ha ka sngi Palei kala ai khublei ia u Myntri Rangbah Conrad K Sangma halor ka jingban biang ba ka Sorkar Jylla kam don jingthmu ban shah tih uranium ha Meghalaya.){kind=link}