Shillong, Jylliew 05: U President ka Bharatiya Janata Party (BJP) Meghalaya bah Ernest Mawrie hynne ka sngi Nyngkong, ula ai khublei iaka sorkar jylla halor ka jingshimkhia ban sdang noh iaka jingiakren iasuk bad ka seng kiengatiar ka Hynniewtrep National Liberation Council (HNLC).
Haba kren sha ki lad pathai khubor u bah Ernest ula ai ruh ka jingiaroh iaka sorkar pdeng bad ula ong ba kane kadei namar ka jingshimkhia hi da u Myntri Rangbah duh ka ri India u Narendra Modi naka bynta ban wanrah ia ki kam pynroi ha baroh ka thain shathei lammihngi (North East) daka ba pynduh iaki sengkieng atiar.
“Man ka por u Myntri Rangbahduh ka ri India Narendra Modi u ju iai ong ba ki kam pynroi hapoh ka jylla bad ka thain Shathei Lammihngi (North East) kan wan lyngba ka jingpynduh jait iaki kam pyntriem bad ka jingpynduh iaki jingiakajia hapdeng ki jylla” ong u bah Ernest.
U bah Ernest ula ong ba kum ka Party ka kwah ban iohi baka jylla kan kiew ha baroh ki liang bad kine baroh kin urlong lada ka shong suk shong shngain ka neh hapoh ka jylla bad ka thain shathei lammihngi baroh kawei.
“Ka BJP kaba don lang haka sorkar MDA, ka ai khublei iaka sorkar kaba lah ban shimkhia ban poi noh shaka jingiakren iasuk kaba pura bad ka HNLC naka bynta ban iai pynneh iaka shong suk shong shngain hapoh ka jylla” ula ong.
Ula ong ba ka BJP ka kitbot kitrwaing iaka sorkar jylla bad ka kyrmen ba shen ki paidbah ka jylla kin sa ioh sngew khubor ba bha halor kane ka lynti ban poi noh shaka jingiakren iasuk hapdeng ka sorkar jylla, ka HNLC bad ka sorkar pdeng.
 Meghalaya bah Ernest Mawrie hynne ka sngi Nyngkong, ula ai khublei iaka sorkar jylla halor ka jingshimkhia ban sdang noh iaka jingiakren iasuk bad ka seng kiengatiar ka Hynniewtrep National Liberation Council (HNLC).){kind=link}