Nongpoh, Jylliew 13: U wei u samla u la khlad hashen katba u wei pat u la mynsaw jur hadien ka jinghap bad ka jingban jong ka slab iing kaba la pra kynsan ha ka sngi Saitjain ha Nongpoh.
Kane ka jingjia kala jia ha ka por 10 baje mynstep haka por ba kine ki arngut ki dang ia pynpra ia ki bynta jong kane ka Iing kaba dang maramot.
U tei u samla u ba iap u kyrteng u Jelin Mangu ba 20 snem ba na Umpathaw bad uba mynsaw u kyrteng u Solar Lymphuid uba dei na kajuh hi ka shnong.
Kat kum ka khubor, la iathuh ba ki don saw ngut ki nongbylla na ka shnong Umpathaw kiba dang trei bad pynpra ia ki katto katne ki bynta jong katei ka Iing ban maramot thymmai hynrei katba ka jingtreika dang iaid, kynsan kynsaw ka slab dewbilat kala pait bad hap ha kine ki arngut, kaba lam sha ka jjngiap jong uwei bad mynsaw uwei.
Haba iohi ia kane ka jingjia, ki briew kiba don marjan kila leit mareh ban ai jingiarap bad kila pynkit wut wut ia uba mynsaw sha Nongpoh Civil Hospital. Ia uba khlad la ioh ban sei hadien katto katne por hadien ka jingwan poi ai jingiarap ki Pulit bad ka Fire & Emergency Services na Nongpoh.
Ki Pulit kila pynlong ia ka jingtohkit halor kane ka jingjia bad lap ia ka daw ka jingtwa kane ka slab.
