Shillong, Naiwieng 20 : Uwei u samla ula iap hashen bad uwei pat ula mynsaw jur haba ka thuk thuk ba ki niah, kala leit ban tynrah ia kawei ka trok kaba ieng ha ka thain Upper Shillong.
Une uba iap u kyrteng u Dargash Kumar Rai ba 25 snem, uba dei na Mawnianglah, katba ua mynsaw u kyrteng u Habit Sangma ba 21 snem ba na Hat Mawdon.
Kat kum ka jingiathuh ki Pulit, kane ka jingjia kala jia ha ka janmiet sngi Balang ha ka por 9:30 baje eiei ha Lad Elephant Falls, 7 mer. Ki iathuh ba kane ka thuk thuk kala leit tynrah hi nadien ia ka trok kaba ieng harud surok.
La iathuh ba u Durgesh Kumar Rai udei uba la niah iaka Scooty kaba don ia Number ML05 AG 0862 wan na ki thain Pomlum katba u Habit Sangma udei uba shong hadien.
La iathuh ba ki 2 ngut kila wan naka thain Pomlum bad ka Scooty ba ki shong kala leit tynrah iaka Trok ba don number ML04 B 0145 kaba ieng ha rud surok ha Lad Elephant Fall 7 Mer Upper Shillong.
