Shillong, Naitung 14: Uwei u samla ba 26 snem ka rta, ula duh ia la ka jingim ha ka jingshah thombor ha uwei u hati khlaw ha ka shnong Jolgaongre kaba don ha South West Garo Hills kaba la jia haka sngi Saitjaiñ.
Une u samla u kyrteng u Rikrak S Sangma, uba dei u khun jongu Meckenson Ch. Marak.
Kane ka jingjia kala jia ha ka por ba dang iabeh ia ki hati khlaw kiba la wan ban pynjulor ia ki jingthung jingtep.
Katkum ki khubor, ki bor shnong haba ioh jingtip ia kane ka jingjia, kila ialum lang ban leit tohkit sha kane ka jaka bad kila shem ia ka metiap jong une u bad pynkit noh ia u ha ka krong siej sha shnong.
