Shillong, Iaiong 29: Uwei rangbah ba 41 snem ka rta u la khlad hadien ba ula sied na jingkhang iit jong ka kali kaba pynher sted bad hap syndon nalor jong ka Jingkieng Flyover kaba don ha Umiam Lad Umroi.
Une u rangbah uba khlad hashen udei uba la tip kum u Nobin Singh (41 snem) napoh ka shnong Mukhla.
Ka kaiphod jong ki pulit ka ïathuh ba kane ka jingjia kala jingjia ha ka por 2:35 nohphai sngi ha kaba une u rangbah u la shong daka kali kali Maruti Suzuki Wagon R kaba don ia u number ML 05 AC 5114 kaba la niah da u Gobinda Biswas naka Jylla Assam.
La ïathuh ba katei ka kali ka thmu ban leit sha Guwahati bad haka jingpynher sted, u nongniah ïa kane ka kali um lah shuh ban tehlakam ia ka kali haka jaka ba long khun bad kane ka kli kala ka la tynrah iaki nar ba ker iaka surok kaba la pynlong ia u Nobin Singh ban sied na jingkhangiit bad hap syndon sha surok kaba don hakhrum ka Flyover.
U Nobin u la mynsaw jur na ka khlieh ha ka jinghap bad la pynkit ia u sha Civil Hospital Nongpoh da ka Ambulance 108 hynrei ki pulit ki la pyntip ba u la khlad noh tang hadien katto katne por.
Ki 2 ngut kiba shong lang hapoh ka kali kata u u Bijoy Singh uba dei u hynmen jong lanot bad u Baris Marboh napoh ka shnong Puriang ki la lait im khlem mynsaw.
Ia u nongniah jong ka kali bad kiba don lang hapoh ka kali la phah kit sha Hospital ban leh eksamin katba ia ka kali la tan sha thanat Umiam.
