Shillong, K’lyngkot 02 : Uwei u rangbah bala 50 snem ka rta, uba dei na Khatar Shnong, ula shah shoh ha arngut ki briew haduh ba poi sha ka jingkhlad noh na kane ka sla pyrthei.
Kane ka jingjia kala jia ha Mawmang, Khatar Shnong ha ka step phyrngap jong ka 1 tarik Kyllalyngkot 2024.
U Superintendent of Police ka East Khasi Hills, u iathuh ba u Sirdar ka Mawmang, Khatar Shnong, ula pyntip ia ka jingshah shoh une u rangbah ba kyrteng u Bah Moris Khongshei ha ki arngut ki briew kiba la shoh khawiang.
Halor ka jingioh khubor, ki Pulit ka Sohra Police Station kila hiar sha kane ka jaka bad ha ka jingtohkit kila ioh ban kem ia kine ki arngut ki briew.
Ia kine ki briew la register case kat kum ka Sohra PS Case No.01 (01)2024 U/S 302/34 IPC bad ka jingtohkit mynta kala iaid shakhmat.
