spot_img

Iap u Polling officer ha ka aksiden kali hajan Tikrikilla

Date:

Share post:

Tura, Rymphang 26 : Uwei u Polling Officer uba dang mih bad ka kynhun pyniaid elekshon ha Ri-lum Garo, ula iap ha ka aksiden kali hajan Tikrikilla, West Garo Hills hynnin ka miet.

Une u Ophisar ba dang 30 snem, u Chesan Ch Marak ba na Chandmari, Tura, ba trei kum u Technical Assistant ka MGNREGA ha Gambegre Block, ula shah thung kum u Second Polling Officer ka Jangrapara Polling Station ha Tikrikilla.

Ula mih na tura bad phra ngut ki kynhun pyniaid elekshon na Tura hynnin ka sngi kum shibynta jong ka kynhun ba nyngkong bala thung ban pyniaid ia ka elekshon.

Kane ka kynhun kala leit da ka Mahindra Pickup haba u nongniah, uba la pynher bha ia ka kali, um shym la lah ban tehlakam ia ka kali kaba lam sha ka jingkylla khongpong. Kane ka jingjia kala jia ha ka shnong Potamati.

U Nongniah ula phet na kane ka jaka bad ieh ia kane ka kynhun pyniaid elekshon hapdeng ka jingmynsaw kynthup u Chesan uba mynsaw na ki bynta jong ka khlieh.

Ka kynhun leit ai jingiarap ba kynthup ia ki trai shnong kila lkit noh ia kine kiba mynsaw sha ka hospital ba marjan ba kin ioh jingmynsaw hynrei la shem ba une u Second Polling Officer u dei uba mynsaw jur tam.

Ia une u Ophisar la kit noh mar mar sha Guwahati ban ioh ia ka jingsumar bap aka hynrei ula khlad noh na ka jingmysaw hynne ka step sngi U Blei.

Arngut ki shipai BSF bad uwei u Pulit Home Guard kiba leit synran ia kane ka kynhun, kila mynsaw lang.

U Zonal Magistrate ula poi ha katei ka jaka ban shimti noh ia ki EVM bad ki VVPAT bad ula hiar hi dalade sha Jangrapara Polling Station ha ryngkat ka kynhun bala buh ban bujli.

Share post:

spot_img
spot_img

Popular

More like this
Related

Assam | Pynkhreh ka Goalpara District ban kyndang ia ki Iing beain na Paikan Reserve Forest

Guwahati, Naitung 10: Ki bor District ka Goalpara kala...

Pynthikna ka Sorkar ban leh tyngeh ia ki nongthombor pyrshah ia ki Kynthei bad Khynnah

Shillong, Naitung 10 : U Myntri ka Tnad Social...

Mynjur ka Sorkar ia 3 tylli ki Rule ban wanrah ia ka bishar kam bymman kaba shai ha Jylla

Shillong, Naitung 10 : Ka Kynhun Myntri ka Sorkar...

Rai ka Sorkar ban pynduh noh ia ka Interview ha ka thungkam Group-D

Shillong, Naitung 10 : Ha ka jingpyrshang ban nang...