Aizawl, K’lyngkot 27 : Ha kawei ka jingjia kaba sngewsih kaba la jia ha ka 26 tarik mynta u bnai, laingut ki briew kiba dei napoh West Bengal ki la duh ei la ka jingim namar ka jingjia twa khydew ha ki bynta jong ka Khawzawl District ka Mizoram.
Kane ka jingjia ka la jia ha ki bynta jong ka Hermon ka jaka ha kaba ka Balaji Company kaba hapoh ka National Highways & Infrastructure Development Corporation Limited (NHIDCL) ka dang pyntrei ia ki lynti surok National Highway.
Na ka liang ki trai shnong ha katei ka thain ki la ong ba kane ka jingjia ka dei namar ka jingleh hi da ki briew.Ka long kaba sngewsih ba laingut ki nongtrei kiba pyntrei na ka bynta katei ka kompeni kila duh ei la ka jingim hadien ba ki la shah tep im na ka jingtwa khyndew, baroh ki dei napoh Mandal District West Bengal.
Kine ki briew kiba la khlad noh ki dei kiba la tip kyrteng kum u Raten Mandal, 20 u Alok Mandal, 26 bad u Prem Kumar Mandal 33 snem rta.Ia ki met jong kine ki laingut yn sa phah shala ki jong ki shnong hadien ba la pyndep ia ka postmortem.
Katei ka jingjia kala wan jia hadien katto katne bnai jong ka jingjia wan khyndew hapoh kawei ka par maw hapoh Hnahthial District ka Mizoram kaba la shim ia ka jingim jong ki 12 ngut ki briew.
