Guwahati, Nohprah 15 :Ha kawei na ki jingjia kaba la pynher syrngiew ia kiba bun balang, kawei ka khynnah kaba dang pule ha ka klas 9 ka la duh noh iala ka jingim hadien ba ka la shah thombor ha ka kynhun ki hati khlaw hapoh Jorhat district ka Assam ha kane ka sngi ba Ar ba la lah.
Ia kane ka lanot la tip kyrteng kum u Barsha Gogoi.Kane ka jingjia la ong ba kala wan jia hadien ba ka Barsha Gogoi ha ryngkat ka kmie jong ka ki dang iaid lyngba ia ka jaka khlaw ha ki bynta jong ka Bijopypur hadien ba ka kynhun ki hati khlaw kila wan mih kynsan hakhmat jong ki.
Kine ki hati kiba don hapdeng ka jingkhih bitar hadien ba kila iohi ia kine ki shikmie shikhun, kila thombor naphang ia ki kaba la pynlong ia ka Barsha ba kan khlad noh hashen katba ka kmie jong ka, ka la ngat ha ka jingmynsaw kaba jur.
Hadien jong kane ka jingjia la pynkit noh mar mar ia kane ka longkmie shapoh ka hospital na ka bynta ban ioh jingsumar, katba ia ka metiap jong ka Barsha la pynkynriah noh na ka bynta ban pyndep ia ki jingeksamin bniah ne autopsy.
