Nongstoiñ, Nailar 8: Haduh hynniew tylli ki masi kila iap na ka jingshah pom pyrthat ha ka shnong Mawsngawir, West Khasi Hills.
Kane ka jingpom pyrkhat kala jia ha ka janmiet 7 tarik Nailar por 2 baje nohphai sngi hapdeng ka jingther u lapbah bad ka lyer kaba jur. Kine ki masi ki dei kiba dang bam phlang ha kawei ka madan kaba don harud jong ka Shnong.
U bah H.Wanñiang sordar shnong ba rim ka Mawsngapwir haba pyntip ha u nongthoh khubor, u la їathuh wei u khynnah u ba sharai їa kitei ki masi u dang don ha jan bad u la kyllon, namar ka jingtyrsaiñ na ka jingpur ka ding pyrthat.
U iathuh ba ki don ki briew kiba їoh sngew ia ka jinglyniar jong une u Khynnah bad mar mar ki la leit rah їa u sha їing ban sumar haduh ba un da tip briew biang.
Katkum ka jingїathuh jong u bah Wanñiang la ong ba lada kheiñ їa ka dor jong kitei ki masi ba la kyllon iap, ka la kot sha ka san lak tyngka tam.
