Shillong, Nailar 09 : Uwei u shipai Border Security Force (BSF) ula iap hashen katba uwei pat ula lait salit na ka jingthombor kynsan kynsan jong ki hati khlaw ha South Garo Hills District.
Kane ka jingjia kala jia hynne ka sngi Balang por 12:30 baje janmiet katba kine ki shipai ki dang leit sha Nilwagre BOP na Domdomma BOP ban pyndep kam ophis. Kine ki arngut kila leit da ka thukthuk hynrei dei haba poi ha surok khappud hapdeng ka Rasnagre bad Nilwagre, kila shah thombor ha ka kynhun ki hati khlaw.
Ha kane ka jingjia, uwei u shipai BSF uba dei u Head Constable, ula mynsaw jur bad la pynkit mar mar sha Sibbari PHC hynrei ki doktor kila pynbna ba ula khlad.
Kane kam dei ka sien ba nyngkong ba ki hati khlaw kila thombor bad shim ia ka jingim ki briew.
Ha ka 1 tarik Nailar, uwei u briew ula iap ha shnong Kurong, Padaldoba, kaba hap hapoh Tikrikilla, West Garo Hills na ka jingshah kyrdem ha ki hati. Une u briew u dei u nongrep bad la tip kyrteng d au Milendro Momin ba 59 snem.
Kumjuh ruh iwei I Khynnah 4 snem bad ka Kmie kila shah thombor ha ki hato khlaw ha ka 31 tarik NAitung ha Cherengpara kaba marjan ka Gasuapara, South Garo Hills.
Pule lang ia kane: Manipur : Kynthoh tyngeh ka Supreme Court ba pheil ka Tnad Pulit haba bishar ia ki kaiphod halor ki ejahar
Peit lang ia kane
