Nongpoh, Iaiong 13: U wei u samla na ka jaidbynriew Garo u la khlad hashen hadien ba ki sainar electric u la hap kynsan ha ki bynta u ryndang jong u ne u samla katba u dang niah ia ka scooty. Kane ka jingjia ka la jia ha ka step 13 tarik Iaiong ha ka surok jong ka shnong Upper Jorbil, Ri Bhoi District.
Ka khubor ba la iohlum, la iathuh, ba une u samla u kyrteng u Robert M Marak 23 kyrteng, khun jong u Onil G. Momin ba shong basah ha ka shnong Model Village.
La iathuh ba u samla u dang niah ia ka scooty kaba don ia u number ML 10 D 5378, kaba dei jong u paralok jong u, hynrei hamar ba poi ha kawei ka jaka ha Upper Jorbil, u la ngat ha katei ka jingjia kaba sngewsih.
Ki riew paidbah kiba la poi ha katei ka jaka kim shem la nud ban leit tur ne ai jingiarap namar u sainar u dang don bor electric tad haduh ba la pyntip sha ki pulit ka Khanapara Police Station bad ki bor MeECL kiba la pynlip ia ka bording, ba la lah ban tam noh ia ka met jong u tei u samla.
Hadien ba la pyndep ia ki jingtohkit, la aiti noh ia ka met jong u tei u lanot sha ki bahaiing kiba la pyndep pat ia ka jingleh niam kaba khatduh.
