Shillong Rymphang 17: Uwei u pulit UBSI u Amit Sinha jongka Ribhoi DEF ula khlad noh na ka jingjia aksiden hynne ka step jong ka Sngi Siatjain ha Gurgaon.
Kane ka jingjia aksiden kala jia ha ka por 3 baje mynstep ha kaba u Amit Sinha ula leit sha Delhi ban pyndep iala ka kamram kaba ula shah bynshet bad ula leit lang bad uwei u paralok u Digvijay Singh.
Katkum ka ejahar kaba la ujor da u Digvijay Singh ula pynpaw ba kila leit bamja ha Sector 58 Gurgaon bad katba ki dang wanphai ha ka kali kaba la niah da u Digvijay Singh kynsan kynsan kala shah tynrah nadien ha kawei ka kali ka bym lah ban ithuh.
La pynkit noh ia u Amit Sinha sha Sanar International Hospital Gurgaon hynrei u
Medical Officer ula pynbna ba u Amit ula dep ban khlad noh shwa ban poi sha Hospital katba u Digvijay ula mynsaw jur bad mynta u don hapdeng ka jingshah sumar hapoh hospital .
