Nongpoh, Jylliew 10 : Uwei u nongniah scooty ula iap hashen bad u Khun ba shong nadien, ula mynsaw jur na ka jingshah rat ha kawei ka trok 14 shaka hynnin ka janmiet ha ka thain Umiam.
Kane ka jingjia kala jia ha Lad Umroi marjan ka lad SOS Village, ong ki Pulit.
Ki pulit ki iathuh ba kane ka trok No NL01-AB-9291 ba niah da u Suni Kumar Jha ba na Kamrup, kala leit rat bad iuh ia u nongniah scooty Tripash Sangma ba na Jorabat, Ri-Bhoi uba dang niah ia ka scooty AS01-EA-7149 bad u Khun Moncembirth Marak, ban wan sha Shilong ha kaban shim ia ka Migration Certificate.
La ong ba haba poi ha katei ka jaka, une u nongniah trok ula khun sha ka diang bad u nongniah scooty ula pyrshang ban sangeh iala ka scooty hynrei ula syntuid bad ula rung pynban sha khrum jong ka trok.
Ia u Khun Moncembirth Marak uba la mynsaw jur, la pynkit noh sha Umsning CHC ban ioh jingsumar. Katba ia ka metiap la pynkit sha Civil Hospital Nongpoh ban pyndep ia ka post mortem.
Ki pulit kila register case halor kane ka jingjia bad ka jingtohkit mynta kala iaid shakhmat.
