Nongpoh, Nohprah 30: Kawei ka longkmie kala ïap hashen bad uwei u rangbah u la mynsaw jur hadien ba ka thuk thuk kaba ki shong, kala leit ban rung ha khrum jong kawei ka trok ha Umling.
Katkum ka jingtip bala ioh lum, kane ka jingjia kala jia hynne ka janmiet sngi Saitjain haka por kumba 5 duna eiei.
La iathuh ba katei ka thuk thuk kaba don ïa u number ML 05 J 8849,ka dei kaba dang kiew sha Shillong hynrei haba poi ha Umling kala leit ban tynrah ïaka trok kaba don ïa u number AS 01 DD 9728 kaba dang hiar na Shillong.
La ong ba kane ka Longkmie kala iap hashen bad ia u rangbah uba niah ia kane ka thuk thuk uba la mynsaw jur, la pynkit noh sha Civil Hospital Nongpoh ban ioh ia ka jingsumar.
Kat haduh ban da thoh ïa kane ka khubor ym pat tip thikna ïaka kyrteng bad ka jaka sah jong katei ka longkmie bala khlad noh bad utei u ba mynsaw, bad naka liang ki pulit ki dang pynlong ka jingtohkit halor katei ka jingjia.
