Shillong, Nohprah 30: U Avinash Rai bad u Shavian Blah kila ioh ia ka Half Century ne ban kamai 50 run tam ha ka jingiakhun pyrshah ia ka Nagaland ha ka sngi baar jong ka U-19 Men’s Cooch Behar Trophy Plate Group Final bad ka Meghalaya ka dang hap ban ialehkai bha shuh shuh.
Haduh hynne ka sngi, ka Meghalaya kala kamai 202 run bad hap 6 wiket haka 80 bad ka dang hap ban kamai sa 73 run banbeh ia ka Nagaland kaba la tied nyngkong.
Ka Nagaland hynnin ka sngi kala kamai 252 run bad hap 7 Wiket bad hynne ka sngi kala bteng ban tied biang ban tied bad kala kamai 275 bad hap lut ki nongtied ha ka 101.4 over.
U Shavian Blah ula shim 4 Wiket bad u Angkit Tamang ula ioh 3 wiket.
Ka Meghalaya kaba la tied nyngkong hynne ka sngi, kala mad ia ka jingeh ha kaba kala kamai 32 run bad hap 3 wiket hynrei u Avinash ula kamai 52 run bad u Shavian ula kamai 58 run bad ym pat Out, katba u Angkit ula kamai 17 run ym pat out satia.
Ka Meghalaya kan bteng ban tied biang ha ka Sngi u Blei bad kan ialeh ban beh iaka run kaba la tied da ka Nagaland bad ka donkam ba ki nongtied ki jongka kidei ban neh slem bad ban kamai run bun.
