Nongpoh, Nailar 17 : Arngut ki nongniah thuk thuk kila iap hashen bad arngut ki nongshong nadien kila mynsaw jur hadien ba ka scooty bad ka bike ba ki iashong, kila iatynrah markhmat haka thain Khapmara, Bhoirymbong.
Kane ka jingjia kala jia ha ka miet sngi thohdieng ha ka por 8:50 baje eiei.
Kine ki arngut kiba khlad ki kyrteng u Martyngshain Myrthong ba 20 snem bad u Nongskhem Lyngdoh ba 18 snem. Ka jingiatynrah ka long kaba la jam bha haduh ba arngut kila iap beit hashen.
Ki arngut kiba shong nadien ba mynsaw ki kyrteng ka Ibaphylla Matlang ba 19 snem bad ka Pdianghun Pathaw ba 19 snem, kiba dei na ka shnong Nongladaw. Ia kine ki arngut la kit mar mar sha Bhoirymbong CHC bad hadien la pynkynriah noh sha Shillong Civil Hospital.
Ka jingtohkit ki Pulit kala iaid shakhmat halor kane ka jingjia.
