Nongstoiñ, 10 Nailur: Ha ka jingjia shah pom pyrthat kaba la jia ha ka sngi Thohdieng ka 9 tarik u Nailur haduh 6 tylli ki masi kila kyllon ïap ha kawei khlaw lum kaba don ha ka shnong Tiehbah WKHD.
Katei ka jingjia kala jia ha kapor kumba 1 baje eie noh phai sngi ha ka por ba dang ther lap bah ba jur bad ha katei ka por u nongap masi u la ïalam ïa ki masi sha ki jaka ba long khlaw kseh ban rieh slap bad ha kata ka por u pyrthat jraiñ unla pom ïa kitei ki masi.
Kitei ki masi kidei jong u bah Gisto Nongphud bad la ong ruh ba nalor kitei ki 5 tylli kiba la ïap ka dang don sa kawei ka masi kaba dang jah rngai bad ïa kitei ki masi la thep noh ha katei hi ka jaka.
U trai jong kitei ki masi u bah Gisto Nongphud u la ïathuh ba ka jingjulor kala kot ïa palat 2 lak tyngka bad na ka liang jong u trai u la dep ruh ban phah ïa ka jingthoh sha ophis u BDO ka Nongstoiñ C&RD Block.
