spot_img

Iap 2 ngut ba leit tynrah ia ka trok kynthup u nong Bangalore

Date:

Share post:

Nongpoh, Iaiong 07 : Arngut ki briew kynthup uwei u nong Bangalore, kila iap hashen ha ka jingjia aksiden kali kaba jia hynne ka step phyrngap ha ka surok NH-6 ha ka shnong Umlyngkdait, Ri-Bhoi District.

Kine ki arngut ki dei kiba la tip kyrteng da u Robi Paswan ba 30 snem, uba dei na Lumparing, East Khasi Hills bad uwei pat u dei u Prakash ba 26 snem, uba dei na Vasanthanagar, Bangalore North, Karnataka. Ia kine ki briew la ithuh na ka licence niah kali bala lap na pla jongki.

Kat kum ka jingiathuh ki Pulit, kine ki arngut ki dei kiba mih na Shillong da kawei ka Maruti Alto-800 ban leit sha Guwahati. La iathuh bah aba poi ha Umlyngkdait, kane ka kali kala leit tynrah ia kawei ka trok na tdong bad kane ka trok ruh kala phet krah na kane ka jaka mar synjia kane ka jingjia.

Ki Pulit ki iathuh ba ia kane ka Maruti Alto la niah da u Robi Paswan. Ha kane ka jingjia, ka Maruti Alto kala julor jubor bha bad baroh arngut kiba don ha kali kila khlad hashen.
Ki Pulit kila pyndep lut ia ka jingtohkit ha kane ka jaka bad hadien kila pynkit noh ia ka metiap jong ki sha Civil Hospital Nongpoh ban pyndep ia ka post mortem.
Ka jingtohkit mynta kala iaid shakhmat halor kane ka jingjia.

Share post:

spot_img
spot_img

Popular

More like this
Related

Bangladeshi national, two touts apprehended after dramatic chase near Seven Sisters Falls in Sohra

Shillong, May 25: A routine evening patrol by Sohra...

Kem ki Pulit ia u nong Bangla bad 2 ki nongpynjam khappud

Shillong, Jymmang 25 : Ki Pulit ka Sohra Police...

Iaroh u DyCM ia ka KSU Delhi Unit ba long ka nongiada ia ki luilui na ki riew bymman

Delhi Jymmang 24: U Symbud Myntri Rangbah ka Jylla...

Ioh u Samla Franklin bad Aidamon ia ka nam Mr bad Ms Hynniewtrep

Delhi Jymmang 24: U samla Franklin Marwein bad ka...